Luizi i rrëfeu Kiarës bisedën që ai pati mbrëmjen e kaluar me Efin, kur kjo e fundit shkoi të kërkonte një sqarim për sjelljen e Luizit. Ky i fundit i tha Kiarës se Efi e pyeti atë që pse është ftohur dhe pse mban distancë, por sipas tij, ai thjesht ka një plan që do ta realizojë dhe është shumë i fokusuar aty.
Kthimi i Efit të shtunën në shtëpi, nuk u prit edhe aq mirë nga Luizi. Ose të paktën, kështu u duk në sytë e saj. Për këtë arsye, ajo u ballafaqua me Luizin për të sqaruar ftohtësinë e tij.
Sipas Efit, ajo nuk u prit ngrohtë, ashtu siç pritet një mik, sepse sipas saj, Luizi e ka konsideruar të tillë. Ajo e pyeti Luizin që çfarë nuk shkon me marrëdhënien e tyre, që solli këtë ftohje të menjëhershme.
Luizi u shpreh se ai nuk ka asgjë, por thjesht është shumë i fokusuar te loja, sepse edhe 1 muaj, Big Brother mbaron. Ai i tha Efit që nuk ka arsye pse të jetë distant, pasi gjatë gjithë kohës ka qenë brenda në shtëpi dhe se nuk ka përse të ndryshojë qëndrim me të.
