Taulant Xhaka është një nga futbollistët më të rëndësishëm jo vetëm të Shqipërisë, por edhe të Bazelit. Madje të zviceranët është kthyer edhe në një figurë kryesore, pasi gjendet te ekipi i njohur prej vitesh.
Kontrata e këtij futbollisti skadon pas dy vitesh te Bazeli, por mund të kemi zhvillime të reja në merkaton e verës. Për mesfushorin shqiptar ka pasur interesime nga klube të ndryshme europiane prej disa kohësh, megjithëse ka vendosur të qëndroj në shtëpinë e tij.
“Blick” ka postuar një artikull të veçantë, teksa flasin për lëvizjet sekrete të merkatos sa i përket klubit të Bazelit. Aty gjejmë edhe një paragraf për Taulant Xhakën, ku shkruhet saktësisht: “Taulant Xhaka ka edhe 2 vite konkratë, ndërsa konsiderohet si figura indentifikuese e klubit. Por ekipe nga Bundesliga dhe Spanja janë të etur për ta marrë në organikën e tyre”.
