Lamtumirë “Real Madrid”, Bale i jep fund aventurës spanjolle

Pritet zyrtarizimi por në Spanjë janë të sigurt. Gareth Bale do të largohet nga Reali Madridit menjëherë pas përfundimit të këtij sezoni në La Liga. Madje, për të përditëshmen marilene “AS”, ndeshja e së dielës kundër Betis është e fundit për futbollistin uellsian. Gareth Bale e kishte vendosur prej kohësh që karriera e tij do të vazhdonte larg “los blancos”, pasi kishte kuptuar se nuk ishte më zgjedhje e parë gjatë këtij sezoni.

Tashmë ai duhet të vendosë se ku do të luajë. Ofertat nuk mungojnë, por duke qëndruar në atë që raporton “AS”, Bale preferon të kthehet në Premier League. Tottenham, skuadra që e bëri të famshëm është gati ta presë me krahë hapur, ndërsa edhe Manchester United nuk e ka fshehur aspak interesin për të marrë shërbimet e Gareth Bale.