Burime nga Partia Socialiste, pas përfundimit të Kongresit, thanë se kryeministri Edi Rama dhe kryetarja e PS-së së Tiranës, kanë debatuar ashpër me njëri-tjetrin.
“Molla e sherrit” kanë qenë 100 kandidatët për këshilltarë në Këshillin Bashkiak të Tiranës. Mesa duket në listë, nuk kishte emra të ekipit të Blerina Gjylametit dhe kjo e fundit ka pretenduar se nuk është pyetur rreth listës që në fakt kishte në përmbajtje njerëz pranë kryebashkiakut Veliaj.
Ajo ka reaguar përmes një postimi në rrjetin social me foto nga kongresi ku lë të kuptohet se do vazhdojë në detyrën e saj.
“Pjesë e sesionit ishte dhe tryeza e Reformës Zgjedhore bashkë me Damianin, Bledin, Pandin dhe Laertin.Tryezë konsultimesh me aktor e faktor politik për të arritur votimin me konsensus te draftit të Reformës zgjedhore që reflekton rekomandimet të OSBE ODIHR.
Rekomandimet dhe procesi i parashtruar në kuadrin ligjor i jep përgjigje dhe kërkesave të Opozitë, për të cilën ne kemi shprehur përherë ngritjen e urës së dialogut.Vazhdojmë përpara punën tonë për projektin e madh të Shqipërisë që duam!”, shkruan Gjylameti.
Mesa duket kryetarja e PS-së së Tiranës dhe kryeministri Rama janë sqaruar.
