Ministri i shtetit Arben Ahmetaj ka bërë të ditur detaje të asaj që cilësohet si “paketa financiare 2” për mbështetje për efektet që ka shkaktuar pandemia e COVID-19.
Sipas Ahmetajt, janë më shumë se 123 mijë qytetarë që përfitojnë për 3 muaj nga fondi 5.8 miliardë lekë.
Mëposhtë shifrat e publikuara nga Ahmetaj:
Përfitojnë 123,871 qytetarë. Efekti i paketës, është mbi 5,8 miliardë lekë, në tre muaj.
– 60,421 individë, të punësuar e vetëpunësuar në biznese të vegjël me xhiro 0-14 milionë lekë ne vit, përfitojnë pagë 26 mijë lekë/muaj.
-Po kështu brenda kësaj kategorie përfitojnë edhe 30 mijë të punësuar, të cilët kanë deklaruar pagë 0. Edhe ata do të përfitojnë pagë 26 mijë lekë/muaj.
– Rreth 70 mijë familje në ndihmë ekonomike, përfitojnë dyfishin e pagesës aktuale të ndihmës ekonomike.
2,700 individë me pagesë papunësie, përfitojnë dyfishin e pagesë aktuale të papunësisë
