Dy deputetë të tjerë të Partisë Demokratike kanë pranuar mandatin e deputetit. Ata kanë dorëzuar formularin e dekriminalizimit pranë Komisionit Qendror të Zgjedhjeve.
Gazetari Ergys Gjençaj raporton “Balkan web” se ka dorëzuar formularin e dekriminalizimit Kujtim Gjuzi nga lista e PD në Durrës, që mban njëkohësisht postin e kryetarit të Partisë Konservatore.
Ndërsa deputeti tjetër që ka dorëzuar formularin e dekriminalizimit në KQZ është Koçi Tahiri. Ky i fundit vjen nga listat për kandidatë të PD-së, qarku Korçë.
