32- vjeçari vlonjat Ledian Memushaj është dëmtuar gjatë seancave stërvitore me kombëtaren ndërsa Binaku e ka pësuar dëmtimin me ekipin e tij, IFK Norrkoping në ligën suedeze, pasi aty kampionati vijon gjatë verës. Marash Kumbulla do të luajë vetëm për kombëtaren u-21.
Ledian Memushaj, Egzon Binaku dhe Marash Kumbulla nuk do të jenë në dispozicion të trajnerit Edy Reja për ndeshjet ndaj Islandës dhe Moldavisë. Lajmin e konfirmon Federata Shqiptare e Futbollit e cila me anë të një komunikate shpjegon se organizatori Memushaj dhe Binaku do të munogjnë për shkak dëmtimesh.
32- vjeçari vlonjat është dëmtuar gjatë seancave stërvitore me kombëtaren ndërsa Binaku e ka pësuar dëmtimin me ekipin e tij, IFK Norrkoping në ligën suedeze, pasi aty kampionati vijon gjatë verës.
I riu Marash Kumbulla është i impenjuar në skuadrën e tij Hellas Verona në Itali dhe do të arrijë vetëm ndeshjen e kombëtares u-21 përballë Turqisë më 3 qershor.
Gjithsesi Edi Reja nuk ka pse të shqetësohet pasi për këto dy ndeshje kishte seleksionuar plot 29 lojtarë, me humbjen e këtyre tre lojtarëve nurmi i lojtarëve shkon në 26. Por duhet kujtuar se një kombëtare për një ndeshje lejohet të grumbullojë 23 lojtarë gjithsej.
