Strukturat hoteliere turistike, duhet të organizohen për të krijuar një ofertë të përbashkët, për ta kthyer qarkun e Beratit në një destinacion turistik disa ditor.
Ministri i Turizmit dhe Mjedisit, Blendi Klosi vizitoi sot qytetin e “një mbi një dritareve”, Beratin, nga ku kërkoi hartimin e ofertës turistike për ta kthyer këtë qytet në destinacionin me të kërkuar në rajon.
“Duhet të krijojnë atraksionet e tyre turistike, festat e tyre, sikundër ajo e verës.
Komunitetet e hotelierëve duhet të organizohen që të jenë një zë i përbashkët për partneritet dhe kritikë me pushtetin lokal dhe atë qendror, dhe e gjithë kjo për të krijuar ekonominë e qytetit”, tha Klosi gjatë takimit që zhvilloi me drejtues të njësive akomoduese në këtë qytet.
Por, komuniteti i turizmit duhet të jenë të vëmendshëm dhe për masat lehtësuese që merr qeveria, në mënyrë që të përfitojnë prej tyre.
“Ju jeni 38 subjekte që keni aplikuar për struktura akomoduese ka dhe të tjerë që duhet të aplikojnë, sepse nga lehtësirat fiskale që janë bërë nga qeveria Rama, për uljen e tvsh-së në 6% për njësitë akomoduese do të përfitojnë vetëm ato struktura të cilat certifikohen si struktura hoteliere. Pra hotel, guest house, bujtina nga institucioni i Turizmit, ndërkohë që një pjesë e tyre akoma nuk kanë aplikuar.
Ministri apeloi të gjithë drejtuesit e këtre njësive akomoduese të certifikohen duke u sjell në vëmendje se afatin de më 31 mars.
“Deri në këtë afat administrate tatimore do të tolerojë deklarimin 6% të TVSH për njësitë akomoduese pa kërkuar certifikim. Pas 31 marsit, njësitë akomoduese jo vetëm nuk do të mund të përfitojnë këtë nivel TVSH-je prej 6%, por do të penalizohen edhe për periudhën paraardhëse”, tha ministri i Turizmit, Blendi Klosi.
Ai kërkoi po ashtu që Berati të krijojë ofertën e vet turistike, atraksionet e veta, festat e veta dhe për në këtë mënyrë do të mundësojë të tërheqë turistin jo vetëm për një natë, por disa ditor.
“Sektori i turizmit duhet të mendoj se si të prodhoj më shumë ekonomi, si të bëhen më të rëndësishëm, duke patur dhe ndikim në vendimmarrje. Jemi para miratimit të minishengenit. Kjo është një mundësi e artë për zhvillimin e turizmit, pasi do të ketë lehtësira për të hyrë në kufi, por turizmi duhet të jetë i përgatitur për këtë ndryshim, duhet të orientohet në politikat e reja”, tha ai.
Ministri theksoi se duhet të promovojmë politikat që tashmë kanë të bëjnë me infrastrukturën, por duhet të bëjmë dhe politika që kanë të bëjnë me rajonin.
“Në kushtet kur është bllokuar Italia, apo Europa, rajoni nuk ka minishengenin që e kemi diktuar kaq shumë. Për ne Shengeni Ballkanik mund të jetë mundësia e artë e shkëlqyer që ne të kemi një turizëm të brendshëm në rajon dhe sa shpejtë të ndodhi, të mos kemi kufij në këtë situate aq më mire do të jetë. Duhet të promovojmë Beratin, në rajon, të prezantojmë paketa ku bëhet e ditur historia duke e kthyer në një atraksion për rajonin”, u shpreh ai.
Në këtë drejtim ministri Klosi kërkoi edhe paraqitjen e propozimeve nga ana e drejtuesve të njësive akomoduese në këtë qytet.
