Komisioni Europian ka aktivizuar klauzolën e Paktit të Stabilitetit, që u lejon qeverive që të “pompojnë në sistem para aq sa u nevojiten”. KJo është njoftuar sot nga presidentja e Komisionit Ursula von der Leyen në një video-mesazh.
“Koronavirusi ka një ndikim dramatik mbi ekonominë, shumë sektorë janë goditur. Bllokimi është i nevojshëm por ngadalëson seriozisht aktivitetin ekonomik.
Javën e kaluar kam thënë se do të bëjmë gjithçka është e mundur për të mbështetur ekonominë dhe qytetarët dhe sot po e mbajmë fjalën e dhënë.
Ndihmat e shtetit janë me fleksible se kurrë dhe qeveritë tona mund t’ua japin paratë që nevojiten restoranteve, dyqaneve, sipërmarrjeve të vogla e të mesme” ka thënë Von der Leyen.
Ndër të tjera, “sikurse nuk e kemi bërë kurrë, kemi aktivizuar klauzolën e sigurisë (general crisis clause-klauzola e krizës së përgjithshme), e thënë ndryshe “po lirojmë rregullat” që t’u lejojmë qeverive që të shpenzojnë, është shprehur ajo.
