Sekuestrohen 150 kg marijuanë dhe dy makina në Shkodër. Për këtë ngarkesë droge ranë në prangat e policisë tre persona.
Deklarata e Policisë :
Ata janë 25-vjeçari K.P. banues në Shkodër, 42-vjeçari R.B. banues në Danilograd të Malit të Zi dhe 36-vjeçari M.R., banues në Nikshiq të Malit të Zi.
Ky grup kriminal trafikonte drogë drejt Malit të Zi.
“Kapja dhe arrestimi i shtetasve të mësipërm u bë pasi nga kontrolli në brendësi të mjetit tip furgon “Volksëagen” me targa malazeze, i cili ishte futur në Shqipëri nëpërmjet PKK të Hanit të Hotit nga shtetasi R.B, u konstatuan 25 paketime polisteroli, 13 nga të cilat kishin brenda tyre lëndë narkotike të dyshuar “marijuanë” me peshë totale 151 kg, e cila u sekuestrua në cilësinë e provës materiale.
Në cilësinë e provës materiale, u sekuestruan 2 automjete, 5 telefona celularë, 1 palë dylbi dhe një sasi eurosh.
Vijojnë hetimet për identifikimin dhe kapjen e personave të tjerë të përfshirë në këtë aktivitet kriminal.”
