Një aksident automobilistik me pasojë vdekjen e një 31-vjeçari ka ndodhur pasditen e kësaj të marte në aksin rrugor Kardhiq-Delvinë.
Nga informacionet paraprake të konfirmuara nga Policia, rreth orës 16:20 në afërsi të tunelit të Skërficës, shtetasi me inicialet A. M., dyshohet se ka humbur kontrollin mbi drejtimin e mjetit tip kamion me të cilin po transportonte çimento. Për pasojë, mjeti ka dalë nga rruga dhe është përfshirë nga flakët dhe fatkeqësisht drejtuesi i tij ka ndërruar jetë.
Grupi hetimor po punon për zbardhjen e rrethanave të aksidentit.
“Gjirokastër, Informacion paraprak/ Rreth orës 16:20, në aksin rrugor Kardhiq-Delvinë, në afërsi të tunelit të Skërficës, shtetasi A. M., 31 vjeç, dyshohet se ka humbur kontrollin mbi drejtimin e mjetit tip kamion me të cilin po transportonte çimento. Për pasojë, mjeti ka dalë nga rruga dhe është përfshirë nga flakët. Për shkak të dëmtimeve, shtetasi A. M. ka humbur jetën. Grupi hetimor po punon për zbardhjen e plotë të rrethanave të aksidentit”, bën të ditur Policia.
