Juventus, Allegri thyen heshtjen, flet për të ardhmen!

“Në Itali një menaxher si Ferguson? Shpresoj që po, sepse do të thotë që të qëndroj për shumë vite te Juventus”, fjalë këto të thëna nga Massimiliano Allegri i cili i jep fund zërave që e shihnin larg “Zonjës së Vjetër”.

Në një intervistë për ‘Corriere della Sera’, Allegri flet mbi librin e tij i cili pritet të dalë shumë shpejt në shitje: “Ka disa njerëz të cilët dëshirojnë ta ndërlikojnë futbollin më shumë seç duhet, kjo më acaron shumë. Nuk e kam personalisht më askënd, thjesht mendoj se po përpiqen të ndërlikojnë diçka që është shumë e thjeshtë.

Në këtë libër rrëfej eksperiencën time që në fëmijëri e deri më tani, eksperiencën në futbollit, si lojtarë dhe trajner. Shpresoj shumë që ti shërbej dikujt, jo vetëm për futbollin por dhe në nivel menaxherial, u shpreh Allegri.