ryetari i bashkisë Kukës, Safet Gjici ka zhvilluar sot një konferencë për shtyp me gazetarët për të bërë analizën e punës gjatë qeverisjes nga 30 qershori si dhe për të prezantuar investimet për vitin 2020.
Gjici tha se dy investime madhore i kemi të sigurta, 200 milionë lekë të reja për ujësjellësin dhe investimet në lagjen 4,5,6.
“Ne kemi dorëzuar projektin e lagjes 4,5,6. Po ashtu kemi projektin e investimit për dy rrugë që besoj se në 2020-ën do nis investimi”, tha ai.
“Besojmë se jemi në rrugën e duhur se në këto 5 muaj kemi bërë shumë. Po mirëmbajmë rrugët dhe kemi ndërhyrë në çdo rrugë jo vetëm në qytet por në çdo Njësi Administrative dhe do vazhdojmë të ndërhyjmë në trotuaret e qytetit të Kukësi dhe në çdo lagje. Do rregullojmë edhe lagjet në periferi. Ne kemi ndërhyrë edhe përsa i përket ndriçimit ndonëse bashkia Kukës i ka shumë borxhe OSHEE, për shkak se nuk janë paguar prej vitesh, por do nisim të bëjmë pagesat”, tha ai.
Pas projektit të lagjes 4,5,6 do i jap zgjidhje qyteti dhe më pas do të bëjmë dhe projektin 2,7,1 dhe të kompletohet i gjithë qyteti me infrastrukturë dhe brenda dy viteve do sistemojmë qyteti dhe të dalim në 14 njësitë e bashkisë duke shpërndarë investimet në mënyrë të njëtrajtshme.
Në lidhje me banesat sociale, Gjici tha se, “projekti i banesave sociale ka përfunduar si procedurë . Ne si bashki kemi kaluar tokën me vendim këshilli dhe kanë përfunduar procedurat. Pas mbarimit të procedurave, brenda janarit fillon ndërtimi i këtyre banesave. Ndërsa është ndarë dhe fondi dhe për ujësjellësin”. /a.a/
