‘Mercedes’ është i pandalshëm këtë sezon. Skuderia gjermane ia ka dalë të triumfojë edhe në Çmimin e Madh të Kinës, duke pozicionuar dy pilotët e saj në vendin e parë dhe të dytë.
Është Hamilton ai që ka triumfuar këtë të dielë në Shangai, ndërsa menjëherë pas tij është renditur piloti tjetër i skuderisë ‘Mercedes’, Valteri Bottas.
Ndërkohë ashtu si në dy garat e para edhe në të tretën vijon të zhgënjejë “Ferrari”, pavarësisht se në Kinë Sebastian Vettel u ngjit në podium. Vetëm vendi i pestë për pilotin tjetër të kokëkuqes, Charles Leclerc, ndërsa në mes të dy makinave “Ferrari” e përfundoi garën Max Verstappen i “Red Bull”.
Një fitore kjo me kenaqësi të dyfishtë për Hamilton pasi Çmimi i Madh i Kinës ishte gara e 1000 në historinë e “Formula 1”. Ndërkohë piloti britanik ka marrë edhe krysimin e përgjithshëm për pilotë, ndërsa pas tij vjen shoku i skuadrës Valtteri Bottas.
