Gazetarja Anila Hoxha duke folur për OPEN, ka treguar se çfarë i ka thënë prokurori Arjan Ndoja, fill pas pas atentatit që pësoi disa ditë më parë në mbikalimin e Shkozetit.
Hoxha ka deklaruar se Ndojën e ka takuar në spital, ku ishte i rrethuar nga familjarët dhe njerëzit e afërt.
Gazetarja shtoi se prokurori në rrëfimin e tij a theksuar se gjithçka ishte e befasishme dhe ndaj nuk i kishte parë autorët.
“Unë e kam takuar prokurorin Ndoja mesnatën e të shtunës, ishte i rrethuar nga miqtë e tij dhe familja e tij nga njerëzit më të afërt.
E pyetja nëse i kishte parë autorët, dhe çfarë mbante mend ai nga breshëria e armëve. Ai më tregoi se ishin gjendur të befasuar dhe nuk kishte parë asgjë sipas prokurorit Ndoja. Pra ndodhi gjithçka befasisht tha.
Sikundër e përshkroi, nuk kishte dëgjuar as zhurmat e armëve. Ishte gjithçka e befasishme”, tha Anila Hoxha.
