Vazhdon t’i performojë këngët e tij në BBVA, Ghetto Geasy e quan sërish ‘Luiz baba’. Sot (e premte) janë bërë 90 ditë që kur ka nisur edicioni i dytë i Big Brother VIP Albania.
Banorëve me këtë rast i është organizuar një festë në pishinë, ku të gjithë po kërcenin e këndonin. Në mesin e shumë këngëve u lëshuan edhe disa të ‘Babastars’ e reperit Getoar Selimi.
Luizi ndërkohë filloi të këndonte këto projekte të Ghettos, e në një moment ishte përfshirë në stilin e tij. Geti nga ana tjetër publikoi këto video në InstaStory dhe në njërën prej tyre e komentoi sërish artistin shkodran.
“Luiz baba”, shkroi sërish reperi kosovar. Duket se Getoari ka një pëlqim për Luizin dhe e mbështet si banor të Big Brothr VIP Albania.
