Faturat e dëmeve të shkaktuara nga tërmetet do t’i paguajë buxheti i shtetit. Ministrja e Ekonomisë dhe Financave, Anila Denaj tha se menjëherë pas vlerësimit financiar të dëmeve do të hapet Fondi i Emergjencës, të cilit i janë shtuar edhe para nga fondi rezervë i buxhetit.
“Ne sigurojmë që Fondi i Emergjencës ekziston dhe në pamundësi për të qenë i plotë, ne siç e thashë më parë, kemi akoruar disa fonde shtesë për t’u vendosur në ndihmë, nga Fondi Rezervë, për të kaluar te Fondi i Emergjencës.”
Tashmë mbetet vetëm rakordimi i mënyrës së pagesës me Shtabin e Emergjencave Civile, e cila siç tha Denaj do të jetë me rimbursim. Emergjencat do të sjellin faturat, të cilat më pas do të paguhen nga buxheti.
