Futbollistët e klubit të Bundesligës gjermane Borusia Mynshenglladbah kanë hequr dorë nga një pjesë e pagës të muajve të ardhshëm, pasi që situata e krijuar nga përhapja e koronavirusit i ka shkaktuar vështirësi të mëdha financiare klubeve.
Sipas “Rheinische Post”, klubi do të kursejë më tepër se një milion euro në muaj nga kjo iniciativë e lojtarëve.
Lojtarët kanë vendosur për këtë, për të liruar pak klubi nga obligimet në mënyrë që klubi të koncentrohet që të mbajë gjithë punëtorët në marrëdhënie pune në këtë situatë të vështirë.
Ndryshe Bundesliga është pezulluar deri më 2 prill.
