Edhe pse fillimisht ishte drejt refuzimit të stolit të kombëtares shqiptare, Eduardo Reja është gati të bëhet kuqezi.
Ish-trajneri i Napolit, Lazios dhe Atalantës nuk ka shuar ende pikëpyetjet rreth kësaj piste, teksa mësohet se Federata Shqiptare e Futbollit i ka dhënë kohë që brenda 48 orëve të fundit të vendos gjithçka. Megjithatë, ky operacion duket se nuk po çalon te vendimi i 73 vjeçarit, por te pjesëtarët e stafit të Rejës.
Një prej të besuarve të Rejës, i cili pritet ta ketë pjesë të stafit te kuqezinjtë është i lirë, por ende nën kontratë me Ternana. Ndaj edhe të lirohet do të jetë e vështirë. Vetëm nëse do të falte pjesë të rrogës së tij, për t’u kompensuar nga Federata Shqiptare e Futbollit.
Për këtë arsye, Reja kërkon kohë për të zgjidhur këtë situatë, ndërsa mbetet në pistë edhe De Canio, kërkesa ekonomike e të cilit është diku te 300-350 mijë euro në vit, bashkë me stafin që do të merrte me vete.
