FIFA ka konfirmuar pak çaste më parë kalendarin e plotë të Kupës së Botës 2022, e cila do të zhvillohet në Katar. Kështu gjithçka do të nisë në 21 nëntor në stadiumin 60.000 vendësh ‘’Al-Bayt’’, në orën 13:00 me orën lokale. Ndërsa ndeshja finalë pritet të zhvillohet në 18 dhjetor në orën 16:00 me orën lokale në stadiumin 80.000 vendësh ‘’Lusail’’.
FIFA lajmëron se do të jenë katër ndeshje në ditë në kohën e fazës së grupeve, që do të zhvillohen për një periudhë 12 ditore. Oraret e tjera që do të zhvillohen ndeshjet janë 16:00, 19:00 dhe 22:00.
Shorti për 32 ekipet që do të kualfikohen pritet të mbahet në mars të vitit 2022. Siç dihet tashmë Botërori i Katarit do të jetë i pari në histori që do të zhvillohet në dimër, për shkak të klimës shumë të ngrohtë të Katarit në verë.
