Kryetari i Bashkisë së Tiranës dhe njëherazi dhe një prej drejtuesve politik të Qarkut Tiranë, Erion Veliaj ka vijuar prezantimin e kandidatëve për deputet të këtij qarku.
Këtë herë ishte radha e Najada Çomos, Fidel Yllit, Romina Kukos, Plarent Ndreces, Arben Pellumbit dhe Halit Valterit, në turin e prezantimeve.
Të 6 kandidatët, veç rrëfimit të eksperiencave personale në politikë apo profesionet e tyre, u ndalën dhe tek sfidat e pas 25 prillit. Ndërkaq Veliaj njoftoi faljen taksës së hapësirës për gjithë biznesin e vogël.
ERION VELIAJ – KRYETAR I BASHKISE TIRANE
“Po ju sjellim në Këshill një tjetër vendimmarrje për të falur të gjitha taksat e hapësirës puiblike vendore për biznesin e vogël, sidomos për baret e restorantet që kanë qenë më të prekura nga rregullat e pandemisë. E kemi bërë për gjashtë muajt e parë.”
Kryetari i Bashkisë së Tiranës gjithashtu bëri të ditur se në projektin e rindërtimit të zonës së 5 Majit, janë shtuar edhe dy ura të reja, të cilat do të lidhin me Kamzën dhe Paskuqanin.
