Enca ka lajmëruar së fundmi se do publikojë një tjetër projekt muzikor. Ndërkohë që fansat qëndrojnë në pritje për të parë çfarë ka përgatitur, këngëtarja e njohur e ka ngacmuar edhe më shumë kuriozitetin e publikut duke postuar pak orë më parë një sekuencë të shkurtër nga kënga. Ajo që vihet re dhe nuk kanë qenë të paktë ata që e kanë kapur si detaj është fakti që Enca do sjellë ritme indiane me këtë hit.
Krahas videos, Enca ka shkruar: “Kush po e pret?”. Më herët Enca ka zbuluar se kjo këngë është bashkëpunim dhe ka zbuluar pamjen që do ketë, sigurisht të frymëzuar nga femrat indiane. Kujtojmë se kjo nuk është hera e parë që ritme të tilla bëhen pjesë e këngëve shqiptare, pasi janë shumë të pëlqyeshme për t’u dëgjuar.
