Eksportet rriten me 5.2%, INSTAT: Mmineralet dhe materialet e ndërtimit, kontribut kryesor

Në janar të këtij viti eksportet e mallrave arritën vlerën 23 miliardë lekë, duke u rritur me 5.2%, në krahasim me të njëjtën periudhë të një viti më parë dhe me 4.9%, në krahasim me muajin paraardhës.

Sipas raportit mbi tregtinë e jashtme të publikuar nga Instituti i Statistikave (INSTAT), kontributin kryesor në rritjen e eksporteve e ka dhënë rritja e eksporteve të mineraleve dhe materialeve të ndërtimit

Referuar të dhënave eksportet e grupit “minerale, lëndë djegëse, energji elektrike” u rritën me 2.8%, ndërsa eksportet e materialeve të ndërtimit dhe metaleve u rritën me 2.1%.

Ndryshe nga eksportet INSTAT bën të ditur se importet e mallrave arritën vlerën 42 miliardë lekë duke u ulur me 0.7%, në krahasim me një vit më parë dhe me 24.8%, në krahasim me dhjetorin 2019.

Deficiti tregtar i këtij muaji është 19 miliardë lekë duke u ulur me 7.1%, krahasuar me janarin 2019 dhe me 44.1%, në krahasim me dhjetorin 2019./a.gjonaj/