Një dekadë pas prezantimit të Kakas, Karim Benzemas dhe Cristiano Ronaldos në stadiumin Santiago Bernabeu, Real Madridi shpreson t’i bëjë një pritje edhe më të madhe Eden Hazardit.
Belgu do të prezantohet para tifozëve të Madridit në Bernabeu mbrëmjen e së enjtes në ora 19:00 në mënyrë që një numër më i madh i tifozëve të jenë në gjendje që të jenë të pranishëm.
Real Madridi dëshiron të prezantoj të gjithë përforcimet e tyre para tifozëve, por ata duan që arritja e Hazardit të jetë diçka më e veçantë.
Ronaldo mblodhi 70 mijë tifozë gjatë prezantimit të tij dhe qëllimi i ‘Los Blancos’ është të kalojnë këtë shifër për Hazardit.
Futbollisti serb Luka Jovic do të prezantohet në Bernabeu nesër (12 qershor), por gjiganti evropian nuk ka përgatitur diçka madhështore për të.
