Një ngjarje e rëndë ka ndodhur mbrëmjen e sotme në qytetin e Korçës.
Një person ka humbur jetën në banesën e tij pasi i ishin futur disa persona për ta grabitur.
Mësohet se viktimë ka ngelur shtetasi Gramoz Nako i cili jetonte në SHBA dhe kishte ardhur me pushime në shtëpinë e tij në lagjen nr.7 në Korçë.
Pikërisht në pushimet e tij ai ka rënë pre e grabitësve të cilët janë futur për të grabitur në banesën e ti dhe gjatë përleshjes Gramoz Nako është vrarë.
Policia po punon për zbardhjen e plotë të kësaj ngjarje të rëndë.
Korçë/Informacion paraprak.
Më datë 08.07.2019, në lagjen nr 7, në banesë është gjetur nga bashkëshortja, shtetasi G.N 57 vjeç, i pajetë, i vrarë me armë zjarri në rrethana ende të paqarta.
Grupi hetimor nën drejtimin e Prokurorisë po punon për sqarimin e rrethanave të ngjarjes./CNA.al
