Edmond Panariti ka ndërprerë bashkëpunimin me Lëvizjen Socialiste për Integrim. Lajmin e ka bërë publik në rrjetin social ‘Facebook’, ku lajmëron se ky vendim pas një kontributi 16-vjeçar në këtë parti, erdhi pas një ftesë në një detyrë të rëndësishme.
Po ashtu, Panariti falënderon të gjithë ata që kanë qenë pjesë e këtij rrugëtim, me sfida dhe sakrifica. Në fund të statusit, rikujton se do të jetë mik i të gjithë atyre që e mbështetën dhe vlerësuan.
Postimi i plotë:
Të dashur miq, kolegë dhe bashkëpunëtorë!
Që nga dita e sotme kam vendosur të ndërpres angazhimin tim si pjesë e strukturave të Lëvizjes Socialiste për Integrim, për shkak të një ftese për tu angazhuar në një detyrë të rëndësishme.
Me këtë rast më lejoni t’ju falënderoj përzemërsisht për këtë rrugëtim 16 vjeçar të përbashkët, plot sfida, sakrifica dhe arritje.
Duke ju shprehur mirënjohje dhe falënderim për miqësinë vlerësimin dhe mbështetjen, ju siguroj që do të mbetem miku juaj përherë.
