5458 përdorues të rinj janë regjistruar në portalin qeveritar e-Albania vetëm gjatë javës së fundit ndërkohë që shifra totale e përdoruesve të shërbimeve elektronike shkon në 137 967.
Në portalin e-Albania janë gjeneruar gjatë kësaj jave 38 507 certifikata, duke sjellë kursimin e 2 milionë lekëve për qytetarët, 4 435 vërtetime tatimore kanë kursyer 46 ditë kohë dhe janë kryer 7213 aplikime për shërbime konsullore nga shqiptarët jashtë vendit.
Sipas të dhënave zyrtare, qytetarët kanë shkarkuar gjatë kësaj jave 57 127 dokumente me vulë elektronike ku shërbimet më të përdorura janë “certifikata familjare” dhe “karta e shëndetit”, ndërsa numri total i përdoruesve të portalit kap shifrat e 21 792. /a.g/
