Shumë prej shqiptarëve sy dhe veshë janë nga Big Brother Vip, duke mos lënë ti shpëtojë as edhe një episod apo ngjarje që ndodh brenda shtëpisë. Kryefjala e këtij viti është padyshim Luiz Ejlli, ndërsa ai i vitit të parë ka qenë Donaldi, i cili arriti të ishte temë bisede në çdo tavolinë shqiptari.
Përveç batutave, humorit apo debateve që krijonte në shtëpi, Donaldin e karakterizonte edhe stili i tij i veshjes sportiv, me bluzat me kapuç. Së fundmi, në rrjet po bën xhiron një video ku njëri prej banorëve shfaqet me të njëjtin stil si Donaldi duke bërë që ndjekësit të pyesin vetes: A është futur Donaldi në shtëpi?
I veshur me tuta sportive ngjyrë të kuqe dhe kapele, ndjekësit janë bërë lëmsh. Por, nuk është Donaldi, por është pikërisht Shpati, stili i të cilit dhe mënyra se si vishet komentohet gjithashtu gjerë e gjatë nga të apasionuarit e modës.
