Hapen 6 zyra të reja të aplikimit për dokumente biometrike jashtë vendit, pranë konsullatave e ambasadave shqiptare në Europë.
Lajmi u bë i ditur nga ministri i Brendshëm, Sandër Lleshaj teksa i bëri thirrje shqiptarëve që jetojnë jashtë kufijve të nxitojnë pranë tyre për të aplikuar.
“U bëj thirrje qytetarëve të nxitojnë për të aplikuar, që mos të befasohen kur t’u kërkohet kartë e re identiteti. 2021, viti zgjedhor, ID karta është kusht për identifikimin e zgjedhësve për marrjen pjesë në proces. Po zgjerojmë shërbimet edhe për qytetarët që janë jashtë vendit, hapen 6 zyra të tjera aplikimi pranë konsullatave e ambasadave shqiptare në Evropë”, shkruan ministri Lleshaj krahas videos ku duket gjatë një inspektimi në zyrën e aplikimit për dokumente biometrike, në Njësinë Administrative nr. 6, Kombinat.
