Ndonëse vendi ynë ka regjistruar një rritje të rasteve të reja me COVID-19, nuk është parë e arsyeshme nga ana e Komitetit Teknik të Ekspertëve për të rikthyer masat. Zv.ministrja e Shëndetësisë, njëherazi dhe kryetare e Komitetit të Ekspertëve, Mira Rakacolli tha se e vetmja masë që duhet marrë tani është vaksinimi.
Ekspertët e kanë cilësuar si emergjence vaksinimin me dozën e tretë të të moshuarve dhe atyre që vuajnë nga format e rënda të sëmundjes. Ato rekomandojnë gjithashtu edhe vendosjen e maskës në ambientet e mbyllura, më specifikisht nga të sëmurët kronikë.
“Me këto shifra nuk është rasti për të propozuar masë tjetër përveç vaksinimit, të pavaksinuarit na rre.zikojnë dhe ne”, tha Rakacolli.
“Popullata shqiptarë duhet të vaksinohet me dozë të 3 dhe të 4. COVID ka treguar se nuk ka një sezonalitet dhe është i pranishëm gjatë të gjitha muajve të vitit’, tha Tomini.
Deri më tani, kur kanë kaluar 2 vite pandemi, 49% e popullsisë ka marrë një dozë vaksine. Shifrat i bëri me dije mjekja Silva Bino.
“Sa i përket dozës së parë dhe të dytë duhet të gjithë t’i kryejnë. Përfitimi nga vaksinimi është tepër i lartë dhe kjo vihet re në vendet e tjera. Në shumë vende evropiane, vdekshmëri mbetet ulët kjo dhe falë vaksinimit të lartë. Me dozën e 3, është vetëm 8% e të vaksinuarve. 49% mbulesa vaksinale për të gjithë”, tha Bino.