Festat janë koha ideale për të reflektuar. Çfarë kemi bërë mirë dhe çfarë mund të përpiqemi të bëjmë më mirë?
Për të ndihmuar veten dhe për të arritur qëllimet personale, kultura të ndryshme kanë disa tradita të veçanta çdo fundvit.
Mbajini paratë poshtë tapetit. Nëse dëshironi të keni më shumë para vitin që vjen, ndiqni të njëjtën taktikë që populli rumun ndjek. Ata besojnë se nëse i vendosni paratë poshtë tapetit kur ora shkon 12, Viti i Ri do t’ju sjellë më shumë të ardhura financiare. Për të pasur akoma më shumë fat, shumë mendojnë se duhet të vishni të brendshme të kuqe ose të thyeni gotat natën e Vitit të Ri.
Ndizni furrën dhe muzikën. Në shumicën e rasteve paratë vijnë kur fitohen me djersë. Prandaj nëse dëshironi që Viti i Ri të jetë i mbarë, shumë njerëz në Trinidad dhe Tobago besojnë se çelësi është që të keni një shtëpi të pastër dhe të mblidhni familjarët tuaj duke gatuar gjëra të shijshme për ata. Gjithashtu, sipas tyre, ëndrrat do ju bëhen realitet nëse gatuani fasule të zeza për ditën e Vitit të Ri.
Hani mirë. Populli afgan rekomandon se nëse kombinoni në natën e Vitit të Ri frutat e thata si bajamet, lajthitë, arrat, qershitë, kajsitë dhe rrushin e thatë fati i mirë do ju ndjekë gjatë gjithë vitit tjetër.
Thuani lamtumirë fatit të keq. Në Brazil njerëzit vishen me të bardha sepse besojnë se Viti i Ri në këtë mënyrë do t’ju sjellë paqe dhe qetësi mendore. Ata rekomandojnë se Viti i Ri duhet t’ju gjejë në ujë dhe sapo t’ju afrohen dallgët duhet të hidheni sa më lartë të mundeni.
Mbusheni shtëpinë tuaj me para dhe fruta të rrumbullakëta. Ndërsa në Filipine nuk është e nevojshme t’i drejtoheni detit në vend të saj ata veshin rroba me pika dhe hidhen aq sa kanë mundësi në mesnatë. Për t’ju sjell akoma më shumë fat ata rekomandojnë të hidhni disa monedha nëpër dhomat e shtëpisë kur ora shënon 12. Gjithashtu mbajini dritat ndezur gjatë natës dhe mbusheni tavolinën e Vitit të Ri me fruta të rrumbullakta të madhësive të ndryshme.
Disa kokrra rrush dhe bëni gati valixhen. Frutat janë protagonistët kryesor në traditat e Amerikës Latine. Në Venezuelë ose Bolivi, njerëzit për të pasur sa më shumë fat hanë ekzaktësisht 12 kokrra rrushi në mesnatë. Për ata që 2020-ta do t’i gjejë duke udhëtuar botën ja një truk fatsjellës që mund të bëni: Merrni valixhen dhe bëni disa xhiro me të rreth shtëpisë, kjo do ju rrisë mundësitë që të shikoni vende të reja gjatë Vitit të Ri.
