Ka reaguar për herë të parë pas dhunës në Kamëz presidenti i Federatës Shqiptare të Futbollit, Armand Duka. Ai ka insistuar që policia duhet të rikthehet në stadiume dhe e ka etiketuar ngjarjen si të rëndë për futbollin tonë, duke thënë se ‘ishte një goditje për kampionatin.
Ajo që ndodhi në Kamëz e shëmtuar. Çdo goditje lë shenjë, ishte goditje për kampionatin. Niveli i shoqërisë shqiptare dihet tashmë. Sa e egër të jetë gara, aq më shumë nuk përmbahen emocionet Policia dhe organet e drejtësisë duhet të marrin masë. Në rastet e dhunës nëpër stadiume nuk kemi parë asnjë masë.
Federata ka marrë masa sportive, vetëm atë ka në dorë. Duhet që të gjithë bashkë të bëjmë më të mirë. Patjetër që cdo goditje lë shenjë, do ti duhet shumë kohë që kjo të harrohet. Do ndërpritet kampionati? Un pres që të këtë një reagim ndryshe nga policia, pasi realiteti shqiptar nuk mund të bëjë pa policinë në stadium.
