Zbardhen detaje të reja nga ngjarja që vuri në lëvizje policinë në Vlorë, ajo e gjetjes së pakos së dyshuar me eksploziv në lagjen ’10 korriku’.
Sipas asaj që raporton News 24, eksplozivi i gjetur dyshohet se ishte montuar poshtë një makine.
Sipas grupit hetimor, pakoja është shkëputur gjatë kohës që makina ka qenë në lëvizje në lagjen “10 korriku’, në qytetin e Vlorës.
Mendohet se shkaku i shkëputjes së lëndës plasëse nga makina ka qenë rruga me gropa në këtë pjesë të qytetit.
Pakoja është parë fillimisht nga disa qytetarë , të cilët menjëherë më pas kanë njoftuar policinë. Policia më pas evakoi bizneset dhe njerëzit pranë zonës.
