“Janë dhënë 1.2 milionë dollarë për 8 objekte, dhe janë gati 3.4 milion dollarë për 15 objekte të tjera vetëm për lotin e parë të Unazës së re”, tha sot zv.kryeministri, Erjon Braçe.
Në reagimin e tij, Braçe i përgjigjet kryetarit të PD-së, Lulzim Basha duke u shprehur se nuk është tallje dëmshpërblimi i banorëve të Unazës së Re.
“Paratë e Astirit, 130 milionë lekë tallje? 10 milionë dollarë tallje? A i dini numrat apo jo? Vetëm për 8 objekte në Loti 1, janë paguar e marrë: 148 milionë lekë/1.2 milionë dollarë! Për 15 objekte të tjera tek Loti 1, janë ndarë paratë e janë gati: 360 milionë lekë/3.4 milionë dollarë! Bëjini vetë llogaritë! Kjo veç tallje nuk mund të jete!” – tha ai.
Po ashtu Braçe i përgjigjet Lulzim Bashës duke i thënë se mirë do bësh t’u blesh një shtëpi banorëve nga paratë e tua, si vila luksoze në bllokun e vilave.
“Ky, Lylzim Basha, që është pareli i madh shumë, patjetër, t’ua paguajë një shtëpi si shtëpia e luksit në bllokun e vilave ku merr frymë. Por nga lekët e tija ama, nga lekët e tij!”, tha ai. /j.p/