Australianët që janë detyruar të bëjnë një karantinë 14-ditore pasi u kthyen nga jashtë, kanë treguar se si është jeta brenda dhomave luksoze të hotelit.
Qeveria po përdor disa nga hotelet më luksozë të vendit për të izoluar njerëzit e ardhur nga jashtë vendit, pasi rreth dy të tretat e rasteve me COVID 19 janë regjistruar nga persona që kishin udhëtuar jashtë shtetit.
Mijëra njerëz që kanë mbërritur në vend janë transportuar në dhomat e përcaktuara të karantinës, të shoqëruar nga policia dhe ushtria.
Një pjesë e australianëve shprehën revoltën e tyre në rrjetet sociale duke pretenduar se po trajtohen si të burgosur. Ndërsa të tjerë janë shprehur të kënaqur duke zbuluar edhe pamjet nga ambientet moderne.
