Manchester City do të luajë në Champions League. Gjykata e Arbitrazhit Sportiv anuloi përjashtimin 2-vjeçar të ekipit anglez i vendosur nga UEFA për shkelje të ‘Fair Play’ financiar.
Sipas CAS, Manchester City nuk i ka fshehur marrëveshjet e sponsorizimeve që ishin pika ku u mbështet ndëshkimi i Komisioni i Disiplinës pranë UEFA-s, në muajin Shkurt. City i është ulur edhe gjoba nga 30 në 10 milionë euro.
Një çlirim për Manchester City që do të marrë pjesë në kupat e Europës madje e ka siguruar një vend në grupet e Champions League për sezonin e ardhshëm. Nëse përjashtimi nuk do të hiqej do të ishte një goditje e fortë për klubin, pasi përveç dëmeve financiare do të kishte dhe largime.
