Deputetja e PS-së, Blerina Gjylameti është bërë nënë për herë të dytë. Ka qenë vetë deputetja e cila ka publikuar një foto të djalit të saj në rrjetin sociale ‘Facebook’. “Një tjetër rreze drite ndriçoi mendjet e ngrohu zemrat tona ! Mirë se erdhe Kron”, shkruan ajo krah fotos.
Kujtojmë që pak ditë më parë, deputetja fitoi betejën me COVID. Ajo tha se pati simptoma të lehta të virusit.
“Shpeshherë besoj se shumë të tjerë e ngatërrojnë nëse janë simptoma që kanë të bëjmë me virusin apo të stinës sepse faktikisht kanë patur disa probleme me fytin në fillim dhe një temperaturë të lehtë. këto ngatërrohen me gripërat e stinës dhe nuk di se kujt duhet t’ja vendosësh. Më pas duke u këshilluar me mjekët si dhe nga informacionet që kisha dyshova se isha infektuar ndaj dhe bëra dhe testin.
Më pas kisha disa simptoma pak më të vështira se ç’mund të quheshin në fillim, kisha vështirësi me frymëmarrjen por të gjitha gratë që kanë kaluar një shtatzëni e dinë që frymëmarrja vështirësohet. Më pas ishte një formë shumë e lehtë e të prekurit të mushkërisë duke e krahasuar me ata që dëgjojmë për të tjerët. Besoj se kam qenë tek format e lehta dhe jo shumë të vështira.”, u shpreh më herët Gjylameti në një intervistë televizive.
