Bashkimi Europian mbështet Shqipërinë për ndërtimin e institucioneve të forta publike që mund të ofrojnë shërbime cilësore për qytetarët. Një administratë publike efektive planifikon, zbaton dhe monitoron fondet publike për rezultate konkrete, qoftë në rrugë, arsim po administrimin e ujërave dhe mbetjeve.
Duke folur për përgjegjshmërinë në prezantimin e Strategjisë së Menaxhimit të Financave Publike 2019-2022, Shefi i Bashkëpunimit në delegacionin e BE-së, Mario Mariani tha: “Si institucionet ashtu dhe individët duhet të pranojnë dhe të marrin përgjegjësi për veprimet, vendimet dhe politikat – kjo vlen për politikanët po aq sa për çdo nëpunës të administratës publike. Media dhe shoqëria civile luajnë gjithashtu rol për mbështetjen e një transparence më të madhe dhe për të kërkuar përgjegjshmëri”.
“Qëllimi për të gjithë duhet të jetë efikasiteti në shërbimin publik, me fjalë të tjera “t’i bësh gjërat mirë, me sukses dhe pa humbje, për të mirën e të gjithë qytetarëve”-tha ai.1 nga 5
