Ministrja e Kulturës, Elva Margariti zhvilloi sot një takim me ministrin e Kulturës së Maqedonisë së Veriut, Hysni Ismaili ku në fokus të këtij takimi ishin angazhimet e përbashkëta dhe mbledhja e radhës për Rajonin e Ohrit.
“Fqinjësia e mirë dhe përfshirja e pjesës shqiptare të Rajonit të Liqenit të Ohrit në UNESCO, na vendos përpara detyrimeve dhe bashkëpunimeve të reja. Sot, pata mundësinë të takoja Ministrin e Kulturës së Maqedonisë së Veriut, Hysni Ismaili”, shprehet ministrja Margariti për këtë takim.
Margariti u shpreh se, “biseduam mbi angazhimet e përbashkëta dhe mbledhjen e radhës për Rajonin e Ohrit, për ngritjen e Qendrave Kulturore dhe Informative në të dyja vendet dhe organizimin e aktiviteteve kulturore, në fusha të ndryshme”.
“U ndamë me mendimet më të mira dhe një dhuratë simbolike, punuar në mënyrë artizanale në filigran”, përfundoi ministrja. /a.a/j.p/1 nga 3
