Pas takimit me zv.ambasadoren amerikane kreu i Partisë Demokratike ka dalë në një deklarat për mediat duke thënë se djalogu me Ramën ishte një dështim dhe nuk do të përsëritet asnjë marrëveshje e dytë.
“Dialogu midis meje dhe Rames provoi të ishte i dëmshëm për interesat e Shqipërisë për mënyrën si u keqpërdor nga një njeri që hiqet si kryetar i PS, por është reduktuar në një bashkëpunëtor të krimit të organizuar dhe të oligarkëve grabitqarë që dëmtojnë interesat e shqiptarëve, dëmtojnë dhe interesat e socialistëve, dëmtojnë dhe interesat e demokracisë”- tha Basha.
Basha nuk ka dhënë asnjë përgjigje për detaje të takimit që zhvilloi më zv.ambasadoren e SHBA
“Opozita nuk ka asnjë hap pas, në luftën kundër krimit që ka asgjësuar zgjedhjet ka vetëm hapa përpara”- tha Basha.
