Julian Assange, themeluesi i “Wikileaks” është arrestuar ditën e sotme në Ambasadën e Ekuadorit.
Julian ka qëndruar brenda ambasadës për 7 vite për të shmangur ekstradimin në Suedi, lidhur me akuzën e një sulmi seksual.
Për momentin, Assange ndodhet në paraburgim në një komisariat të policisë në Londër, ku do të qëndrojë përpara se të paraqitet në Gjykatën e Magjistraturës së Westminster, sa më shpejt që të jetë e mundur. Oficerët u ftuan në ambasadë nga ambasadori, pas tërheqjes së qeverisë ekuadoriane nga azili.
47-vjeçari kishte refuzuar të largohej nga ambasada, sepse sipas tij ai mund të ekstradohej në Shtetet e Bashkuara të Amerikës për t’u marrë në pyetje lidhur me aktivitetet e “Wikileaks”.
