Ministri i Turizmit dhe Mjedisit, Blendi Klosi, priti sot në një takim ambasadoren e Shteteve të Bashkuara të Amerikës, Yuri Kim, me të cilën folën për progresin që ka bërë Shqipëria në fushën e turizmit.
“Ambasadorja Amerikane, Yuri Kim, u njoh me Shqipërinë nga një këndvështrim tjetër, Shqipërinë si destinacion turistik. Në nderin që pata të mirëprisja në zyrë dhe t’i uroja punë të mbarë diplomates amerikane në Tiranë, patëm rastin të flasim për progresin që ka bërë vendi ynë në fushën e turizmit si industri që po hyn e sigurtë në tregun mesdhetar e europian e më gjerë”,- tha Klosi.
Ministri Klosi e njohu ambasadoren Kim me përpjekjet dhe angazhimin e përmirësimit të cilësisë së mjedisit, ku vullnetarizmi në pastrimin e territorit është dimension shumë i rëndësishëm si mekanizëm ndërgjegjësues./k.s/1 nga 12
