Siguria ushqimore vijon të mbetet një nga problemet më shqetësuese në vendin tonë. Produkte të skaduara, etiketa e të cilave mbulohet, fruta-perime të dendura me hormone e kimikate e ushqime të ruajtura në kushte të papërshtatshme! Shkelja e radhës lidhet me 46.2 ton produkte të pasigurta nga Brazili, shkelje e cila u konstatua nga Autoriteti Kombëtar i Ushqimeve.
Ngarkesa e pare që u bllokua ishte 27 ton fileto pule nga Brazil e importuar nga subjekti “AMG shpk” pasi nuk përmbushte këkesat ligjore të sigurisë ushqimore, pasi nga kontrolli u evidentua prezenca salmonelë.
FOTO ILUSTRUESE
Ngarkesa e dytë prej 19.2 ton “Kafe kokërr e papjekur” nga Brazili, ishte importuar nga subjekti “Neë Century Ltd”, nuk përmbushte kërkesat ligjore të sigurisë ushqimore, pasi kishin mangësi në dokumentacionin shoqërues.
Në faqen zyrtare të AKU-së është postuar gjithashtu një video që tregon sesi ruhen në magazinat e supermarketeve ushqimet e destinuara për t’u shitur.
Videoja është filmuar në një supermarket në zonën e “Vasil Shantos”, ku nuk plotësohej asnjë kusht higjieno-sanitar, por dhe tregtonte produkte me afat të kaluar përdorimi. Ky biznes raportohet se u gjobit me 1.4 milion lekë.
