Një aksident rrugor ka ndodhur në aksin Librazhd-Prrenjas Nga aksidenti, siç shihet nga pamjet, një autoveturë është dëmtuar, ndërsa një makinë e tonazhit të lartë ka dalë nga rruga dhe ka rënë disa metra më poshtë. Mësohet se pas rrëzimit të maunes, që ra nga lartësia, shoferi ndodhet në gjendje kritike për jetën.
Burime në vendngjarje bënë të ditur se automjeti në tentativë për të parakaluar në segmentin e rrugës Librazhd – Përrenjas, në zonën e njohur si kthesa e Dragostunjës, është përplasur me kampionin, drejtuesi i së cilës në përpjekje për të shmangur përplasjen, ka përfunduar disa metra buzë greminës.
