Ajsi Xhaxhaj u përfol për një lidhje më aktorin Drilon Hoxhën gjë që më pas u mohua nga të dy.
Të dy aktorët reaguan duke thënë se ishin thjesht skena filmi dhe kanë një marrëdhënie shoqërore dhe profesionale me njëri tjetrin.
Në një intervistë për “Gazetën shqiptare”, modelja dhe aktorja është pyetur për disa nga skenat më qesharake dhe të sikletshme të filmit. Ajo ka zbuluar se kanë qenë skenat e puthjeve pas të cilave ata i kërkonin gjithmonë falje njëri-tjetrit.
“Sigurisht që skenat e puthjes. Unë me Drilonin kemi një miqësi prej pesë vjetësh. Dhe kurrë nuk e kemi parë njëri-tjetrin në një mënyrë ndryshe. Kur bëhej fjalë për skenat e puthjeve gjithmonë i kërkonim falje njëri-tjetrit më parë e më pas putheshim. Kjo ishte shumë qesharake.”, ka thënë ajo duke qeshur.
