Agjenti i Elseid Hysaj, Mario Giuffredi ka thënë se janë lodhur duke pritur rinovimin nga Napoli dhe ka lënë hapur mundësinë që lojtari mund të largohet në fundin e edicionit.
Shqiptari është titullarë nën urdhrat e Gennaro Gattuso-s, por ende klubi nuk i ka ofruar mundësinë e rinovimit, transmeton portali arbresh.info.
Kurse, agjenti ka lënë hapur mundësinë që Hysaj mund të largohet në fundin e edicionit si agjent i lirë.
“Që nga arritja e Gattuso-s, Hysaj është duke ia dal mirë. Ai ka pasur zbritje vetëm te Ancelotti”.
“Rinovimi i kontratës nuk varet nga Gattuso. Nuk duhet të rinovojë nëse trajneri qëndron. Jam duke pritur nga Napoli për dy vite dhe tani jam lodhur”.
“Nëse propozimi i duhur vjen, Hysaj do qëndrojë, ndryshe do transferohet të tjetër skuadër që e do në muajt e ardhshëm”.
“Ai nuk duhet të qëndrojë vetëm për Gattuso-n, Napoli duhet t’i besojë”, deklaroi ai.
Mbetet të shihet nëse Hysaj do largohet ose rinovojë me “Napolitanët”.
