Ndjekja e radhës është shumë e rëndësishme për përkujdesin e lëkurës, pasi aplikimi sipas radhës bën që produktet të mos pengojnë efikasitetin e njëri-tjetrit. Radha ideale që lëkura juaj të jetë e shëndetshme është kjo ;
1.Pastruesi
Fillimisht aplikoni pastruesin. Është mirë të përdorni një pastrues me bazë vaji në fillim dhe më pas një pastrues me bazë uji.
2.Toniku
Pasi pastruesi ka hapur poret tuaja, është radha e tonikut. Toniku mbyll poret dhe heq qelizat e vdekura të lëkurës, si dhe e përgatit atë për produktet që do të vendosen më pas.
3.Serumi
Serumi nuk duhet ta anashkaloni asnjëherë, pasi e hidraton lëkurën në thellësi.
4.Kremi i syve
Keni ose jo rrathë sysh, përdorimi i kremit të syve është gjithmonë një ide e mirë.
5.Trajtuesi i njollave ose akneve
Nëse keni një fytyrë me njolla dhe akne dhe përdorni produkte për t`i trajtuar, radha e tyre është pas serumit dhe kremit të syve.
6.Hidratuesi
E rëndësishme është që hidratuesin ta zgjidhni në varësi të llojit të lëkurës tuaj.
7.Retinoli
Retinoli është një produkt që lufton shenjat e moshës dhe stimulon prodhimin e kolagjenit në lëkurën tuaj.
8.Kremi i diellit
Pavarësisht sezonit, kremi i diellit nuk duhet të mungojë asnjëherë në rutinën tuaj të bukurisë.
9.Make up-i
Pasi fytyra juaj është përgatitur me të gjtha produktet e mësipërme, më në fund, mund të filloni me grimin.
