15 banorëve të qytezës së Villarramiel, në veriperëndim të Spanjës ju kanë dërguar zarfe të mbushura me para, në kutinë postare apo poshtë derës.
Prej një jave, ky donator sa bujar aq edhe i panjohur, i cili shpërndan zarfe që përmbajnë 50, 70 deri në 100 euro ka ngjallur diskutimet në këtë qytezë të vogël me 800 banorë. Jemi të gjithë të habitur dhe në pritje, pasi nuk e dimë ende se nga vijnë këto para as se kush është dhuruesi i tyre – shprehet për median kryebashkiakja Nuria Simon.
Disa, si më mosbesues i janë drejtuar bankave ose komisariatit të policisë për të verifikuar nëse kartëmonedhat ishin të vërteta, apo false. Ndërkohë Garda Civile nuk ka hapur hetim për të zbardhur misterin, pasi nuk është kryer asnjë vepër penale.
